پردہ کس توں راکھی دا
کیوں اوہلے بہہ بہہ جھاکی دا
پہلوں آپے ساجن ساجے دا
ہُن وسنائیں سبق نماجے دا
ہُن آیا آپ نظارے نُوں
پردہ کس توں راکھی دا
کیوں اوہلے بہہ بہہ جھاکی دا
شاہ شمس دی کَھل لُہائیو
منصور نُوں چا سولی دوائیو
زکرئیےؑ سر کلوتر دھرائیو
کیہ لیکھا ربیا باقی دا
پردہ کس توں راکھی دا
کیوں اوہلے بہہ بہہ جھاکی دا
کُن کہیا فیکُون کہایا
بے چُونی دا چُون بنایا
خاطر تیری جگت بنایا
سر پر چَھتر لولاکی دا
پردہ کس توں راکھی دا
کیوں اوہلے بہہ بہہ جھاکی دا
ہُن ساڈے وَل وھایا اے
نہ ریہندا چُھپا چُھپایا اے
کتے بلھا نام دھرایا اے
وچ اوہلا رکھیا خاکی دا
پردہ کس توں راکھی دا
کیوں اوہلے بہہ بہہ جھاکی دا
بابا بلھے شاہ
