گواچے لوگ
اسیں اکھاں پتھر کر لئیاں
سدھراں دی سنگھی گھٹ لئی اے
اسیں اندرو اندریں مر گئے آں
اپنے تے مٹی سٹ لئی اے
کوئی سینے دے وچ رڑک ای نئیں
ساڈے سارے ای جذبے مر گئے نیں
جیہڑے تیرے ہتھوں پھٹ لگے
جیہڑی کل ساڈے تے بیت گئی
اوہدا اج تے کوئی توڑ وی نئیں
اسیں نہیریاں دے وسنیک سہی
سانوں چانن دی کوئی تھوڑ وی نئیں
اسیں بُھلے رہئیے چنگے آں
سانوں راہ لبھن دی لوڑ وی نئیں
محمد سلیم طاہر
No comments:
Post a Comment
Note: only a member of this blog may post a comment.