حاکماں دے ناں
حاکمو تندوراں تے پُولس بٹھا دیئو
گروسری سٹوراں تے پہرا لوا دیئو
بچیاں دا دُدھ پرمٹ تے وِکوا دیئو
لنگڑی لُولی پُولس اپنی نگرانی تے لا دیئو
عوام نوں دہشت گرداں دے ہتھ پھڑا دیئو
دیس نوں لمے قرض دی بھینٹ چڑھا دیئو
لُٹ لُٹ مال اپنے کاروبار چمکا دیئو
جموریت ودھیا انتقام دا نعرہ لا دیئو
جمور لئی دال روٹی کرنا مشکل بنا دیئو
پربھاں دی کیتی کتری کُھوہ وچ پا دیئو
دیس نوں جرائم دی آماجگاہ بنا دیئو
نور حسين
