وے میں چوری چوری تیرے نال لا لئیاں اکھاں وے
دنیا توں جھکاں تے میں پیار ترا رکھاں
ما پئیاں دی لج تیرے لئی میں گنوائی وے
تُوں تے انجان ساڈی قدر نہ پائی وے
فر وی میں جھلی ہو کے راہ تیرا تکاں
پیار پِچھے ہر کوئی مِٹیاں وی چھانڑدا
دِسدا نہ اک پَل ویری میری جان دا
ایہہ تے وے میں جانڑدیاں تینوں میری جیہیاں لکھاں
وے میں چوری چوری تیرے نال لا لیاں اکھاں وے
چنگیا میں جھاتا تینوں لکھاں جِند جان توں
رد گئیاں بھانویں بیبا جگ تے جہان توں
دس منظورؔ کیویں دل نوں میں ڈکاں
وے میں چوری چوری تیرے نال لا لیاں اکھاں وے
منظور جھلا
