جو اُس آکھیا ٹالا والا نہیں کیتا
کیویں آکھاں چِٹا کالا نہیں کیتا
ایر جیون دے دسے تے ڈھل گھتی نہیں
پیراں دا وی فیر سنبھالا نہیں کیتا
اکھ چکی تے پُڑ کیوں ہولے ہو گئے نیں
ہنجواں تے کوئی نکا گالا نہیں کیتا
بھاویں اندر موسم پت جھڑ ورگے رہے
پر میں رکھاں وانگ وکھالا نہیں کیتا
ڈھاہ لگی تے ھبھا کائی اُچل گئی
کیوں فر تیری یاد اُچالا نہیں کیتا
دُکھ لیراں نال کجیا ننگے جُثے نوں
میں دُکھاں دا یار مکالا نہیں کیتا
نور حسن ارمان
