اکھاں ڈَک نہ سَکیاں چھَل تے مُڑ کیہ کرساں
اوہنے پڑھ لئی ساری گَل تے مُڑ کیہ کرساں
اُنج تے نِگھی نیندر پیار دے سُفنے دی اے
پر جے سُتی جا کے تھَل تے مُڑ کیہ کرساں
ہِک دو ہوئے تے دُکھ دھرِیک کے اندروں کڈساں
میرے شاخ دے کُولے پَترو! ہولی ہَسو
جے کن دھر لے امبر ول تے مُڑ کیہ کرساں
دُکھ دی اگ نُوں بُرکن لئی تے اتھرو ہوندے
جے اکھ دِتے ایہ وی ٹھَل تے مُڑ کیہ کرساں
میں کیہ دیساں، ویلے سَچ دا مُل منگیا تے
جے اوس منگ لئی میری کھَل تے مُڑ کیہ کرساں
نور حسن ارمان
