جدید پنجابی شاعری
دل نوں سوچ وچار بڑے نیں
پیار دے وچ آزار بڑے نیں
دل نوں سوچ وچار بڑے نیں
بھارے پیار دے بھار بڑے نہیں
بھیڑ پئی تے اکھاں کھلیاں
ایویں بھُل سی یار بڑے نیں
مشکل پئی تے کُھلیاں اکھیاں
اینویں بھُل سی یار بڑے نیں
خونوں خون غریبی آ گئی
لوکاں کِیتے وار بڑے نیں
کِدھرے دھوکہ دے نہ جاویں
تیرے تے اعتبار بڑے نیں
یاد کرے گی سانوں دنیا
منیا اے فنکار بڑے نیں
قوم دی قسمت بدلن والے
دل والے دو چار بڑے نیں
ناز ہوریں وی کھا گئے دھوکہ
سُنڑیا سی ہُشیار بڑے نیں
ناز خیالوی
مکمل غزل جس وچ دو مقطعے نیں، پہلا مقطع بعد آلا اے
