انج وچھڑے مڑ نئیں آئے
جانی دور گئے
کوئی دردی موڑ لیائے
انج وچھڑے مڑ نئیں آئے
جانی دور گئے
کوئی لگدا چارہ لاؤ نی
میرے ماہی نُوں موڑ لیاؤ نی
انج وچھڑے مڑ نئیں آئے
جانی دور گئے
تسی ساریاں سکھیاں جؤ نی
میرے ماہی دی خبر لیاؤ نی
کوئی گل دی موڑ لیائے
انج وچھڑے مڑ نئیں آئے
جانی دور گئے
اگ ہجر دی بلدی سینے
وچھڑیاں گزرے سال مہینے
کوئی دردی موڑ لیائے
انج وچھڑے مڑ نئیں آئے
جانی دور گئے
پل وچ ماہی ہو گیا اوہلے
نہ کوئی بہہ کے دکھ سکھ پھولے
نہ دل دے حال سنائے
انج وچھڑے مڑ نئیں آئے
جانی دور گئے
اکھیاں تکدیاں رہندیاں راہواں
بھرنے پے گئے ہوکے ہاواں
اساں رو رو وقت وہائے
انج وچھڑے مڑ نئیں آئے
جانی دور گئے
اکھیاں بھکھیاں ترسیں دیدار دیاں
آ جا ماہی، واجاں ماردیاں
جانی دل دے کیوں نئیں آئے
انج وچھڑے مڑ نئیں آئے
جانی دور گئے
سوچاں دے وچ وقت وہائے
جانی دل دے کیوں نئیں آئے
جگ دی کوئی چیز نہ بھائے
انج وچھڑے مڑ نئیں آئے
جانی دور گئے
آساں دے دن مُکدے جاندے
ہنجو وی ہن سُکدے جاندے
کِتے اک پل چین نہ آئے
انج وچھڑے مڑ نئیں آئے
جانی دور گئے
میں درداں توں عاجز آئی
جوگی گوڑھی پریت کیوں پائی
کاہنوں بُھل کے نین ملائے
انج وچھڑے مڑ نئیں آئے
جانی دور گئے
انور حسین جوگی
