شاہنامہ کربلا
اپنی ماں دا ایہہ فرمان مینوں ہویا سال جو دل تڑپا رکھیا
بچہ واقعہ شا ہ حسین دا لکھ جس دا نام آقا مصطفٰیؐ رکھیا
جسدا حال سن کے پتھر موم ہوون جس نے نیزے تے سیس چڑھا رکھیا
ویکھ دور منزل سینہ چُور ہویا فکر قلبی نے ساز بدلا رکھیا
سبط ِنبیؐ، شبیر شہید اعظم ایہہ خطاب واحد کبریا رکھیا
لختِ جگر رسولؐ وچ خاک مل کے کر کے خاک نوں خاک شفا رکھیا
بادشاہ دا واقعہ بادشاہی، سر تے کوہ رضا اٹھا رکھیا
ایس شاہی شاہکار دا نام دائمؔ، تائیں شاہنامہ کربلا رکھیا دائم
دائم اقبال دائم
