شاہنامہ کربلا بارے
ایہہ کتاب پائندہ و تابندہ زندہ شان حسین جوان دی اے
شعر شاعری نہیں مقصود ہرگز کوئی طلب نہ گان وجان دی اے
ایہہ مرقع جہاد اسلام گویا ترجمانی لسان قرآن دی اے
خاطر امت مرحوم دیاں نوجواناں گھنٹی وجدی پئی میدان دی اے
اوہ قوم بھی کدے نہ رہے زندہ جنہوں خبر ناہیں مر جان دی اے
اگے باطل دے کدے نہ جھکدے نے جنہاں قدر دین اسلام دی اے
جانبازاں مجاہداں غازیاں لئی منتظر دھرتی پاکستان دی اے
نقش پائے شبیر نجات دائمؔ ایہہ صدا زمین آسمان دی اے
دائم اقبال دائم
