جے میں چنگا کردی سائیاں
فیر کدے ناں ڈردی سائیاں
خورے جنت لبھ جاندی جے
تیری ہو کے مردی سائیاں
اکھر ویچ کے پوری کرنی
روٹی سارے گھر دی سائیاں
ہتھاں وِچ جے تیرا ہتھ اے
فیر میں کاہنوں ڈردی سائیاں
کِناں ماں نُوں سوہنا لگیا
جد تُوں پائی وردی سائیاں
نچدی نچدی مر جاوے گی
جوگن تیرے در دی سائیاں
باہج تِرے اس جگ تے میرا
ہور اے کیہڑا دردی سائیاں
عشق ثمینہ دے تن رَچیا
دُکھڑے جردی جردی سائیاں
ثمینہ ثاقب
