پوٹھوہاری پہاڑی شاعری
کدوں ایسی اوہ شہزادہ توبہ ای
کھولی بیٹھی یاں دروازہ توبہ ای
میں اس کی ملنے نی گلہ سجنی یاں
نک اِچ موتی منہ ار غازہ توبہ ای
چاہ ماڑے ہتھے چ ڈھلن لگی سی
ظالمے اِیاں کھوہری ڈِٹھا توبہ ای
اَگے پِچھے اِیاں ماڑے پھِرنا آ
پھُلاں اُپر جِیاں بھنورا توبہ ای
شرمے نال میں پانی پانی ہونی یاں
جُڑی تے ماڑے نال او بیٹھا توبہ ای
اپنے اندر وی اوہ میکی دِسناں آ
جیلے وی میں دِکھاں شیشہ توبہ ای
فطرت ناں ہر رنگ اُس اُپر سجنا وا
گورے رنگ ار چِٹا جوڑا توبہ ای
چُوڑی پنے چُونڈی مارے چھَپی رے
اپنی اس دلدار تھی مولا توبہ ای
ثمینہ ثاقب
