میں نیر وہیندی پئی آں
جیون کو گولیندی پئی آن
ایہہ جو لمبی کالی رات اے
ایہہ جو اکھیں دی برسات اے
تیڈے ہجریں دی سوغات اے
سوغات ونڈیندی پئی آں
میکوں خبر اے او نایاب اے
میڈا دل ول ول بے تاب اے
میڈی اکھیں وِچ ہک خواب اے
میں تعبیر بنیندی پئی آں
سوغات ونڈیندی پئی آں
میں نیر وہیندی پئی آں
اے درد میڈی جاگیر اے
میڈے پیار دی جو تقدیر اے
کتھ رانجھا تے کتھ ہیر اے
سوغات ونڈیندی پئی آں
میں نیر وہیندی پئی آں
میں گیت لکھیندی پئی آں
تیکوں حال سنیندی پئی آں
میں نیر وہیندی پئی آں
سوغات ونڈیندی پئی آں
میں نیر وہیندی پئی آں
نجمہ شاہین کھوسہ