ہِک واری آجا نئیوں چنگیاں دوپھیڑیاں
ہر ویلے رہندیاں نیں سوچاں مینوں تیریاں
"بھُل گئیاں دُنیاں نوں قِصّے تے کہانیاں"
کردے نیں لوکی گلاں تیریاں تے میریاں
چہرہ اے کتابی تیرا چن وانگوں چمکے
کالیاں گھٹاواں ایہہ تے زُلفاں نیں تیریاں
دِنے راتیں روندیاں نیں اکھیاں وِچاریاں
جدوں دیاں پیاریا توں اکھیاں نیں پھیریاں
بیٹھیاں بھنڈار جدوں اِکّو پُونڑی کت کے
چرخیاں نُوں چاء گئیاں چنگ تے چنگیریاں
چناں تینوں جاونڑے دی ایڈی کاہلی پے گئی
سائیں دیاں گلاں اجے رہندیاں بتھیریاں
سائیں غلام حیدر
