ہدیۂ عقیدت بر حضرت غوثِ پاک
واہ واہ میراں شاہ شاہاں دا، مالک ملک فقر دا
کل ولی محتاج اس گھر دے، اوہ سب دا سرکردا
جاں تک حضرت غوث الاعظم دیون نہ منظوری
تاں تک ولی نہ بندا کوئ، ہوندی نہیں حضوری
بھاویں لکھ چِلے کوئ کٹے، زُہد ہزار کماوے
ولی نہیں ہو سکدا جاں تک، میراں نہ فرماوے
حضرت خضر جہے لکھ سائل لے کے آس مراداں
میراں دے دروازے اتے کردے نے فریاداں
ملک خدا دے برقؔ تمامی ہین اوہدیاں جاگیراں
سارے اس دے ڈنکے وجن، ہوندی میراں میراں
برق نوشاہی
