تساں نوں لقب ملیا اے، رؤفی تے رحیمی دا
میرے تے رحم فرماؤ خدا را! یا رسول الله
تساڈی رحمت عامہ تے، نظراں رکھ بیٹھا ہاں
ہاں بھاویں کتنا خاطی تے ناکارا، یا رسول الله
میں دن راتیں اڈیکاں وچ، بڑا بے تاب رہنا ہاں
کدوں تک ہوسی مینوں بلارا، یا رسول الله
جے قسمت جاگ پۓ میری، تے ہو جاون ملاقاتاں
چمک اٹھے میرے بختاں دا تارا، یا رسول الله
میں اندر فرقتاں دے ہر گھڑی دکھیار آزاری
جدائی وچ بڑا مشکل گزارا، یا رسول الله
تساں باھجوں نہ کوئی آسرا، اس برقؔ عاصی دا
مینوں ہر دم تساڈا ہی سہارا، یا رسول الله
برق نوشاہی
