نی اک میری اکھ کاشنی

نی اک میری اکھ کاشنی

دوجا رات دے اُنیندرے نے ماریا

نی شیشے چ تریڑ پے گئی

وال واہندی نے دھیان جد ماریا

اک میرا دیور نکڑا

بھیڑا گھڑی مڑی آن کے بلاوے

کھیتاں چوں جھکانی مار کے

لسی پین دے بہانے آوے

نی اوہدے کولوں سنگھدی نے

اجے تیک وی نہ گھنڈ نوں اتاریا

نی اک میری اکھ کاشنی

دوجی میری سس چندری

بھیڑی روہی دی ککر توں کالی

گلے کتھے ویر پندی

نت دیوے میرے ماپیاں نوں گالہی

نی رب جانے نتڑی دا

کہڑا لاچیاں دا باغ میں اجاڑیا

نی اک میری اکھ کاشنی

تیجا میرا کنت جویں

رات چاننی چ ددھ دا کٹورا

نی پھکڑے سندھوری رنگ دا

اوہدے نیناں دا شرابی ڈورا

نی لاماں اتوں پرتے لئی

نی میں بُوریاں مجھاں دا دُدھ کاڑھیا

نی اک میری اکھ کاشنی

شو کمار بٹالوی