کجھ رُکھ مینوں پُت لگدے نیں
کجھ رکھ لگدے مانواں
کجھ رکھ نونہاں دھیاں لگدے
کجھ رکھ وانگ بھرانواں
کجھ رکھ میرے بابے واکن
پتر ٹانواں ٹانواں
کجھ رکھ میری دادی ورگے
چوری پاون کانواں
کجھ رکھ یاراں ورگے لگدے
چماں تے گل لانواں
اک میری محبوبہ واکن
مٹھا اتے دکھانواں
کجھ رکھ میرا دل کردا اے
موڈھے چک کھڈانواں
کجھ رکھ میرا دل کردا اے
چماں تے مرجانواں
کجھ رکھ جد وی رل کے جھومن
تیز وگن جد واواں
ساوی بولی ست رکھاں دی
دل کردا لکھ جانواں
میرا وی ایہ دل کردا اے
رکھ دی جونے آنواں
جو تساں میرا گیت ہے سننا
میں رکھاں وچ گانواں
رکھ تاں میری ماں ورگے نیں
جیون رکھاں دیاں چھانواں
شو کمار بٹالوی
