اس پتلائے جفا نوں جفا آوندی اے

اس پتلائے جفا نوں جفا آوندی اے

میں بندۂ وفا نوں وفا آوندی اے

اتھے جا جا ٹکراں خیال اپنا کھاوے

جتھوں نہ جتھے دی ہوا آوندی اے

او پردے دے وچ وی نہ پردے نوں چاوے

حیا کولوں اس نوں حیا آوندی اے

جہنوں تک کے تے میں خدا بھل گیا ساں

اج اوہ تک کے یادِ خدا آوندی اے

قضا نوں کوئی تیرِ قضا لگ گیا اے

بلایاں وی نہ ایہہ بلا آوندی اے

تُو دشنام دے کے تے خوش ایں جے جوگی

دعا گو تیرے نوں دعا آوندی اے

جوگی جہلمی