سلام بر امام عالی مقامؓ
جی کردا اے درداں نوں دنیا تے کھلار دیاں
شبیرؓ تیرے غم توں غم دنیا دے وار دیاں
مقصود سی بس ایہوں حیدرؓ دے دلارے دا
خون اپنے تھیں نانے دے گلشن نوں نکھار دیاں
رب جانے کی سیدؓ دی ہمشیرؓ تے ورت گئیاں
سِر وِیر دا پا جھولی زلفاں نوں سنوار دیاں
ہر ماں نوں حسینؓ کہیا میرے لئی دعا کریو
نانے دی محبت دا ہر قرض اتار دیاں
اصغرؓ نوں دفن کر کےسیدؓ نے کہیا مولا
سو اصغرؓ جئے ہون تیرے ناں توں وار دیاں
ایہہ اعلان سی اے صائمؔ شبیرؓ دا وِچ کربل
اکبرؓ نوں فدا کر کے مُل جنتاں دے تار دیاں
صائم چشتی
