صلو علیہ و آلہ
میرے سوہنے محمدﷺ دا میلاد ہے
دردِ دل اج تے خوشیاں منا لین دے
ہوئی آمد ہے نبیاں دے سردار دی
پھل ہنجواں دے راہ وچ وچھا لین دے
بزم جنہان دی اے آپ بھی آن گے
رحم ساڈے تے سرکار فرمان گے
درد و غم سب دے سب دور ہو جان گے
کملی والے نوں محفل چ آ لین دے
سج گئے سارے گلیاں تے بازار اج
ایتھے آؤناں غریباں دے غمخوار اج
میرے محبوب رکھنا اے اس تے قدم
سیج دل والی مینوں سجا لین دے
کیوں منائیے ناں سوہنے دے میلاد نوں
اوہنے آؤناں غریباں دی امداد نوں
ایس صائمؔ دے درداں دی فریاد نوں
کملی والے دے روضے تے جا لین دے
صائم چشتی
