ڈُب مرن دا ویلا
ساڈے کولوں کوئی کم وی
ویلے سِر نہیں ہویا
جاگن ویلے سُتے رہے آں
بولن ویلے بولے نہیں آں
ویکھن ویلے اکھ نہیں کُھلی
سوچن ویلے سوچ نہیں آئی
پرکھن ویلےپرکھ نہیں ہوئی
جو کرنا سی اوہ نہیں ہویا
جو لبھنا سی اوہ نہیں لبھیا
ہسن ویلے روندے رہے آں
دِل تھاں پِنڈا دھوندے رہیں
کُجھ وی تےنہیں ہویاجد سی
کُجھ کرن دا ویلا
اِکو ویلا بچیا اے ہُن
ڈُب مرن دا ویلا
آؤ رل کے ڈُبیے آیا
ڈُب مرن دا ویلا
ویکھو کدھرے لنگھ نہ جاوے
ڈُب مرن دا ویلا
آیا ڈُب مرن دا ویلا
ارشاد سندھو
