ہولے ہولے بدل گئی اے اپنی ہی تصویر
اندر و اندر کم کر جاندی بندے دی تقدیر
اُنج تے بڑے کرم ہوۓ نیں، بڑیاں رحمتاں ہوئیاں
میری اک دعا پرانی، لبھدی پھرے تاثیر
حُسن اساڈی منزل ہوئی، درد اساڈی راہ
ہاواں ہنجو سنگت ساڈا، عشق اساڈا پیر
جِتھے تخت خزانے ہوون اوتھے اساں نہ جانا
جِتھے عشق دے تنبو لگن او ساڈی جاگیر
لوح قلم دی طاقت دے ماتحت زمانے سارے نیں
رانجھے کھیڑے ویکھدے رہ گئے وارث لے گیا ہیر
واصف علی واصف
