جدید پنجابی شاعری
بزمِ دہر دے نہیں افسانے مکدے
کدی دوستاں یاراں وچ بہی دا سی
دُکھڑے سُنی دا سی کُجھ کہی دا سی
کوئی غماں نیں بوجھ اٹھاندا تکیا
کوئی مفلسی دا رونا روندا تکیا
بزمِ دہر دے نہیں افسانے مُکدے
کوئی اپنے نصیباں نوں روئی جاندا
تلیاں ملدا کلیجے نوں کھوئی جاندا
کوئی حال بد حال زوال اندر
پھسیا ہویا کوئی غماں نے جال اندر
بزمِ دہر دے نہیں افسانے مکدے
ہر جا مطلب پرستی ناں دور تکیا
نفسا نفسی ناں ہر سو شور تکیا
نہ اج مہر و محبت وفا ملدی
تے وفا دے بدلے جفا ملدی
بزمِ دہر دے نہیں افسانے مکدے
رفتہ رفتہ سب رنگ بدلا جاندے
جانی دل دے دامن چھڑا جاندے
کس نوں غماں دا بلخیا حال دساں
کی کی گزردی پئی میرے نال دساں
بزمِ دہر دے نہیں افسانے مکدے
آفتاب احمد بلخی
