ہلکیاں پھلکیاں بدعاواں
جا تیری کھکڑی پھِکی نکلے کھیرا نکلےکَوڑا
رب کرے تینوں کھانا پے جائے ڈاہڈا گرم پکوڑا
جا تیرے پنڈے اُتے تیرے ڈھلے ہو جان کپڑے
کھرک وی تینوں اوتھے ہووے، جِتھے ہتھ نہ اپڑے
اک مُکے تے پے جائے تینوں ہور اک نویں پسُوڑی
تینوں سُتے پئے نوں شالا لڑ جائے کوئی تمہوڑی
جیہڑی گل ضروری ہووے پُل پُل جاوے تینوں
عینک کتھے رکھی سی اے یاد نہ آوے تینوں
کدی نہ ہووے کدی نہ ہووے کدی نہ ہووے پوری
تینوں جیہڑی آوے شالا رہ جائے نِچھ ادھوری
مگروں لَوے نہ تیرے بھانویں ماریں اوہنوں پکھی
شالا تیرے نک دے اُتے لُڈیاں پاوے مکھی
مچھر تینوں گھیرا پاون جتھے ڈانویں منجی
پھر جان اودے دندے تیری کنگھی ہو جائے گنجی
جا تیری کُکڑی کُڑک ملے تے کُڑک وی لماں سارا
کھنڈ پلیکھے لُون پوے تیری چا وچ چوکھا سارا
رب کرے تینوں خواباں اندر نظریں آون بڈاوے
بجلی تیری بند رہوے پر بجلی دا بل آوے
انور مسعود
جا تیری کھکڑی پھِکی نکلے کھیرا نکلےکَوڑا
رب کرے تینوں کھانا پے جائے ڈاہڈا گرم پکوڑا
جا تیرے پنڈے اُتے تیرے ڈھلے ہو جان کپڑے
کھرک وی تینوں اوتھے ہووے، جِتھے ہتھ نہ اپڑے
اک مُکے تے پے جائے تینوں ہور اک نویں پسُوڑی
تینوں سُتے پئے نوں شالا لڑ جائے کوئی تمہوڑی
جیہڑی گل ضروری ہووے پُل پُل جاوے تینوں
عینک کتھے رکھی سی اے یاد نہ آوے تینوں
کدی نہ ہووے کدی نہ ہووے کدی نہ ہووے پوری
تینوں جیہڑی آوے شالا رہ جائے نِچھ ادھوری
مگروں لَوے نہ تیرے بھانویں ماریں اوہنوں پکھی
شالا تیرے نک دے اُتے لُڈیاں پاوے مکھی
مچھر تینوں گھیرا پاون جتھے ڈانویں منجی
پھر جان اودے دندے تیری کنگھی ہو جائے گنجی
جا تیری کُکڑی کُڑک ملے تے کُڑک وی لماں سارا
کھنڈ پلیکھے لُون پوے تیری چا وچ چوکھا سارا
رب کرے تینوں خواباں اندر نظریں آون بڈاوے
بجلی تیری بند رہوے پر بجلی دا بل آوے
انور مسعود
