کشمیریاں دی تیجی پیڑھی
رتے پھلاں دے گلدستے ہک تے پئے سجاون
وارو واری نچدے آون موت نوں سینے لاون
آزادی دا سُفنا لوکو لُوں لُوں دے وِچ رچیا
گھبرو گیت شہیدی گاون، سُچے لہو نہاون
کِنویں مناں جنت اندر دُکھڑی پِیڑ نہ ہوندی
غمزے چڑھ اسمانے اپڑے کُوکاں دے للکارے
تیرے میرے ورگے لوکیں الہڑ رِیت نبھاون
تِیجی پِیڑھی جنگ چ اتری سِر اُچا کے ٹُردی
ویری کِنے مار مکاسی اوہ ریلے بن آون
موت حیاتی نوں اک کِیتا دو جہانیں کِھلرے
توحید رسالت دا لڑ پھڑ کے اگے ودھے آون
وِچ ترنجناں ہلچل مچی، کیسر تھئے بنفشی
جِنہاں مُڑ کے جانا ناہیں چھِنچ چ پیلاں پاون
منور گل
