ککّر، ٹاہلی، بیری، نماں

ٹالھی آلا گھر

کِکّر، ٹاہلی، بیری، نِمّاں

پِپل، تُوت تے بوڑھ نئیں بُھلے

وٹاں بنّے، نہر دا کنڈھا

اج تک پنڈ دے موڑ نئیں بُھلے

اک گَنیاں دی رَوہ نئیں بُھلی

لسّیاں دے اوہ کَول نہیں بُھلے

سنگھنے دُدھ دی کھیر نہیں بُھلی

گُڑ دے مٹھے چول نہیں بُھلے

جھانجھر والے پیر نہیں بُھلے
نَتھلی والے نَک نئیں بُھلے
رُوں توں کُولی بانہہ نئیں بُھلی
گندل وَرگے لَک نئیں بُھلے

ارشاد سندھو