Saturday, 14 December 2019

لفظ میں کل لفظ چنڑدا سی

لفظ

میں کل لفظ چنڑدا سی
اک لفظ بوہڑ تے بیٹھا سی
تے اک پپل تے
اک میری گلی وچ
تے اک گھڑے وچ پیا سی

اک ہرے رنگ دا لفظ کھیتاں وچ پیا سی
اک کالے رنگ دا لفظ ماس کھا ریا سی
اک نیلے رنگ دا لفظ
سورج دا دانہ منہ وچ لئی اڈ ریا سی
مینوں دنیا دی ہر اک چیز لفظ لگدی ہے
اکھاں دے لفظ
ہتھاں دے لفظ
پر بُلھاں دے لفظ سمجھ نہیں آؤندے
مینوں صرف لفظ پڑھنے آؤندے نے
مینوں صرف لفظ پڑھنے آؤندے نے

شو کمار بٹالوی