تُوں ساڈا کیا لگدئیں
اساں تیڈے کیا لگدے
فجر تے شام جینویں
ڈو بھینڑ بھیرا لگدے
کُن دی گونج وچوں
کُرلاندی کونج وچوں
مِتراں دی مُونجھ وچوں
کوئی اپڑاں علا لگدے
اَک تے انگور جینویں
لائیاں تے بُور جینویں
فجریں دا نُور جینویں
ہِک بئے دے گواہ لگدے
واہ بے واہ تھئے ہئیں
جھوک دے راہ تھئے ہئیں
تانگھ اِچ تاہ تھئے ہئیں
جینویں ڈاج کوں ڈاہ لگدے
تُوں ساڈا کیا لگدئیں
اساں تیڈے کیا لگدے
سیف اللہ آصف
No comments:
Post a Comment
Note: only a member of this blog may post a comment.