بیڑی دیاں تیں پور دیاں سندھو تیکوں پارتاں
سنجھ تیں اسور دیاں سندھو تیکوں پارتاں
اللہ کرے خیر اوندا پیر ہے رکاب وچ
پاڑھے دیاں تیں سور دیاں سندھو تیکوں پارتاں
پھلیں آلی جھل اساں تیکوں آن ڈیونڑی
نیڑے دیاں تیں دور دیاں سندھو تیکوں پارتاں
تیڈے سارے پکھڑو تیڈی آم شام وچ
کونج تیں تلور دیاں سندھو تیکوں پارتاں
لائیاں دے بور جیویں جھریے پنڑیال توں
اکھیاں دے بور دیاں سندھو تیکوں پارتاں
تیڈے کالے تتریں کوں متریں مکایا ہے
کاہاں تیں کلور دیاں سندھو تیکوں پارتاں
سیف اللہ آصف
No comments:
Post a Comment
Note: only a member of this blog may post a comment.