ست جنم نہ ڈیویں ساکوں ہک چا ڈیویں ڈھیر
چیڑیاں ورگی چنج چا ڈیویں آلھنڑے جوگی بیر
میں تاں ونڑ ہاں منڈھ اپنڑے کوں اپنڑی جاہ تیں رکھساں
توں ہائیں ٹنگڑی نال ہوا دے رل کیں پترے کیر
اساں اپنڑے پیو ڈاڈے وچ جینونڑ جیندے راہسوں
ساڈی سانجھ اچ کالیاں راتیں ساڈی سرت سویر
ساڈے ساہ دا گھنگھرو شالا ترٹ نہ پووے پیریں
ساڈی ساری مونجھ لہیسی جھمر دا ہک پھیر
دائی مائی جیکوں ترنڈ سٹیا ہے جمنڑ سیتی اظہر
اساں اپنڑے نال رلائی آئے اوہا زہر دی جیر
اظہر کلیانی
No comments:
Post a Comment
Note: only a member of this blog may post a comment.