پچھتے وی کجھ ڈسدا کئینی
اگتے وی ہنڑ رستہ کئینی
اللہ سوہنڑا پہرے ڈیندے
ساڈے گھر دا بوہا کئینی
اماں جیونڑ جوگا آکھیۓ
میں تاں جیونڑ جوگا کئینی
جو کجھ ہے بس توں ہیں سانول
دنیا کیا ہے کشا کئنیی
پرلھی کندھی جلسوں کیویں
بیڑی ہے پئی، دریا کئینی
حقہ پیندے مر گئے اساں
نسلیں بارے سوچا کئینی
ساونڑ، کونجاں، دیغر، توں، میں
کون اے جیڑھا مونجھا کئینی
شہباز مہروی
No comments:
Post a Comment
Note: only a member of this blog may post a comment.