سِندھو
ساڈیاں تلیاں نیلو نیل
ساڈے متھے تتے بھا
تیڈی سیڑھ اچ تردن پُھل
تیڈی منڑ تے ساوے گھا
ساڈے اندر وس گئی وِس
ساڈا سینہ ڈکھ دی جا
تیڈا پانڑی مٹھا کھیر
تیڈے پانڑی نال شفا
ساڈے لیکھے سارے وانج
ساڈے ناویں سجھ دا تا
تیڈے پکھی گاون گیت
تیڈیں بیڑیں نام دعا
اساں کلھے اپڑے نال
ساڈیاں سیندھاں ریت سُوأ
تیڈی منڑ تے وسدا لوک
تیڈیں کونجیں نال خدا
شہباز مہروی
No comments:
Post a Comment
Note: only a member of this blog may post a comment.