دِتے اج سنہیڑے کانواں اصل پنجابی
نوی نکوری سیج وچھانواں اصل پنجابی
توں کدھرے جے ساڈی وستی پھیرا پانواں
تینوں اوتھے رنگ وکھانواں اصل پنجابی
شہراں دے وچ بولی وی دو رنگی ہوئی
سانبھ لئی اے پنڈاں تھانواں اصل پنجابی
شہراں دے وچ آ کے پتراں بدلی بولی
بولدیاں نے اج وی مانواں اصل پنجابی
طالب جے کدھرے توں میرے ویہڑے آویں
نچاں، گانواں، جھمر پانواں اصل پنجابی
بابا طالب جتوئی
No comments:
Post a Comment
Note: only a member of this blog may post a comment.