سوجھلے دی دعا
میں سِندھو سرکار دا گداگر
میں سینڑ روہی دا ہک سخنور
فقیر دامان دا تے تھل دا
مرید سنگھڑ سئیں دے تل دا
ہمیش ہر کہیں دی خیر منگاں
میں راتیں ڈینہاں دعائیں منگاں
تے نال میڈے
کہیں دی مونجھیں دیاں جوگی کونجاں
میڈےجگاریں دے روگی چکوے
تے تن دے کھنڈر دیاں بھردیاں کندھیں
اکھیں دی روہی دے تار ٹوبھے
دعائیں منگدن
جو
چندر کرنیں دا مینہ وساوے
تے سجھ دی سوجھل دی نیں وی آوے
فلک ستاریں دا بیج چھٹے
ایں کالی بھوئیں تے کئی نور جاوے
ضرور جاوے
عباس برمانی
No comments:
Post a Comment
Note: only a member of this blog may post a comment.