میکوں تائیں توں گلا تاں کجھ کینی
آویں تاں آ، نا آ تاں کجھ کینی
آہدا ہاویں نکھڑ کے مر ویسوں
انج تھی گئیوں بیا تاں کجھ کینی
دنیا سوہنی ہے پر تیڈے نیناں
اے نا ہوون، ولا تاں کجھ کینی
تیکوں ہارن تہوں نمہی چاہندا
میڈے، تیڈے سوا تاں کجھ کینی
میکوں غم ڈے کے کھل کرائیں آکھیس
کجھ نا کجھ آئے گیا تاں کجھ کینی
بعد تیڈے ایں شہر وچ ارشد
دل نہیں لگدا بیا تاں کجھ کینی
امان اللہ ارشد
No comments:
Post a Comment
Note: only a member of this blog may post a comment.