تیڈے ڈیس ءچ غضب دے اندهارے ڈِٹهن
اساں ڈینہہ نئیں ڈٹهے، ڈینہہ دے تارے ڈٹهن
اے پتہ نئیں جو اسمان پهٹسی کڈاں
میں تاں ہر جاہ فناہ دے اشارے ڈٹهن
کوک پہنچی ہے کہیں دی فلک تئیں جڈاں
لوکیں وسدے فلک توں انگارے ڈٹهن
توں آہدیں میں خدا کوں کتهئیں نئیں ڈٹها
میں تاں ہرہک قدم تے نظارے ڈٹهن
عشق والیں دی وستی وی گئے ہیں اساں
عشق والیں دے ہاں بارے بارے ڈٹهن
میل دی رات وچ وی اساں دوستو
اپڑیں پلکیں توں ترٹدے ستارے ڈٹهن
نہ سنڑا قیس کملے دا قصہ ساکوں
اساں کملیں کئ تهولے خسارے ڈٹهن
آ ڈوہئیں حال ہک بئے کوں ڈیوں جانیاں
میں سمندر ڈٹهے تئیں کنارے ڈٹهن
زندگی ہنڑتماشہ ڈکها موت دا
بئے تماشے تاں میں ڈهیرسارے ڈٹهن
ٹهڈاساہ بهرکے چن توں ستاریں پچهئے
تئیں وی ناشاد وانگوں جگارے ڈٹهن
جمشید ناشاد
No comments:
Post a Comment
Note: only a member of this blog may post a comment.