چندر سرانڑے نال رکھیساں
ہنجھ دا ڈِیوا بال رکھیساں
ذات کلہیپا مارنڑ کِیتے
مونجھ منجھاریں ٹال رکھیساں
تیکوں کہیں دی آہ نہ لگے
رل ویساں پر خیال رکھیساں
ہک مونڈھے تے نیلی اجرک
بئی کشمیری شال رکھیساں
قلم کتاب نا چھٹنڑے ڈیساں
بے شک بکھے بال رکھیساں
اپنڑی اکھ دی سرمے دانڑی
تیڈی راہ دو بھال رکھیساں
اے منت دا روزہ سائیاں
وعدہ ہے ہر سال رکھیساں
میں سونہڑی میں پتڑیں واسی
لوں لوں وچ مہیوال رکھیساں
ایمان قیصرانی
No comments:
Post a Comment
Note: only a member of this blog may post a comment.