میڈیاں غزلاں سُنڑیسی یاد رکھیں
کوئی ول ول سڈیسی یاد رکھیں
جیکوں مغرور سمجھے، او بلوچنڑ
تیکوں چاہیں پلیسی یاد رکھیں
میڈی مٹی وی اُڈ کے تیڈی خاطر
تیکوں رستہ ڈکھیسی یاد رکھیں
میڈے ڈیوے بجھا کے ہک ڈہاڑے
ہوا وی "ہتھ" ملیسی یاد رکھیں
اے جیڑھی"میں" کھڑی ہے تیڈے اندر
تیڈا سب کجھ ونجیسی یاد رکھیں
تیکوں پیسہ ہے پیارا، میکوں رشتے
ایہو جھیڑا "ودھیسی" یاد رکھیں
میڈا دعویٰ ہے او ایمان جھئیں کوں
ودا" در در "لبھیسی" یاد رکھیں"
ایمان قیصرانی
No comments:
Post a Comment
Note: only a member of this blog may post a comment.