کٹھے کجھ چندر تارے کرنڑے پوندن
ولا جاگے جگارے کرنڑے پوندن
جے کہیں دے نین پیارے لگ ونجن تاں
ول اپنڑیں نین پیارے کرنڑے پوندن
لباں تیں چپ دے پہرے لگ ونجن تاں
پچھیں اندروں اشارے کرنڑے پوندن
ہے جیونڑ سک طلب تس تانگھ تانڑی
تماشے ترییے چارے کرنڑے پوندن
کوئی پکھڑو متاں ول ولدی ڈیوے
ونو ون دے بلارے کرنڑے پوندن
عزیز شاہد
No comments:
Post a Comment
Note: only a member of this blog may post a comment.