تریہہ
میڈے اندر پتہ ہے کے ہے
اتنی تریہہ ہے
گل وینی دیاں تروڑ کے تنڑیاں
ڈوہیں باہیں پوریاں کھول کے
اکھیں دے وچ تھل کوں پا کے
چووں پاسے دی واچھڑ دے وچ کھریاں چا کے
ہکل ماریم
تریہہ وسما ڈے
تریہہ نی وسمی
پہلے پہلے سُوریا دیوتا
ساون نال الیندا رہے گئے
ساون ساون تُو تاں ساون
نیلے نیلے پنے اتے
دریا، دریا نال کنارے
بیڑیاں، تردیاں تردیاں بیڑیاں
بیڑیاں نال مہانے، جنگل
جنگل نال پکھیرو
کئی کئی منظر چھاپ کھڑیندیں
میڈے اندر اگنی دیوتا
میڈی تس نی وسمن ڈیندا
بھوئیں بولی اے
ساون ساون، تو تاں ساون
بیری، پپل، پیلہوں دے
کجھ پتر پساون جوگا
میکوں، سادھو
رت دی لت تے لا چھوڑیا ہے
میڈی تس کوں کون بجھاوے
روہ بولیا ہے
ساون ساون
پتھریں اتے چینا چینا
تھیاں کنڑیاں
تسا سُوریا پی ویندا ہے
تسا گوتم
روہاں دے پڑ روہاں پچھوں
اپنی تس وسمیندا ودے
تس نی وسمی
مخمور قلندری
No comments:
Post a Comment
Note: only a member of this blog may post a comment.