کیا تس بجھیسی ساونڑی
پترے پسا کے بیر دے
ریتڑ تے کِنڑ مِنڑ لاونڑی
کیا تس بجھیسی ساونڑی
ہاں وچ بلا دا حبس ہے
اندر دی تس وسماونڑی
کیا تس بجھیسی ساونڑی
نیناں چھڑی ملہار وو
من مونھ دیپک گاونڑی
کیا تس بجھیسی ساونڑی
کوٹھے تے مر گئی شام تائیں
کاں کاں کریندی کاونڑی
کیا تس بجھیسی ساونڑی
سینے ابھردی دھوڑ وو
کئیں کھوہ تے ونج ترکاونڑی
کیا تس بجھیسی ساونڑی
مخمور قلندری
No comments:
Post a Comment
Note: only a member of this blog may post a comment.