پِڑ تے مچ گئے مچ وے سانول
نال اساڈے نچ وے سانول
تن دی تار دا کیا بھرواسہ
تن تاں گارا گچ وے سانول
ریشم رنگیں ونگیں وانگوں
ساہ ساہ ساڈا کچ وے سانول
پیتے امرت امر لباں دا
پچ نئیں سگیاں سچ وے سانول
رہ تیں لوک کھڑے ہوندے ہن
رہ دی بھِیڑ تُوں بچ وے سانول
اساں تاں سئیں دے پیریں میندی
میندی گئی اے رچ وے سانول
اساں تاں کُوڑی کھیڈ رسائی
تَیں چا کیتے سچ وے سانول
عزیز شاہد
No comments:
Post a Comment
Note: only a member of this blog may post a comment.