گھٹ صبر دا بھریا جاوے
کد تک موہرا پھکیا جاوے
ادھی نہیں میں پوری ہو گئی
نہیں لکھیا تے لکھیا جاوے
گل ہووے تے پیار دی ہووے
یا چپ کر کے بیٹھیا جاوے
میرے وچ میں آپ نہیں ٹکدی
تینوں کتھے رکھیا جاوے
میں تے انگل پھڑ سکدی آں
جے اوہدے توں ٹریا جاوے
اوہنے میرے پنڈ چوں لنگھنایں
لنگھدا اے تے، لنگھدا جاوے
میرے وچ وی دل ہیگا اے
ایہدا وی کجھ کیتا جاوے
جھولی اگے کر دیندا اے
جیہدا ٹھوٹھا بھریا جاوے
طاہرہ سرا
No comments:
Post a Comment
Note: only a member of this blog may post a comment.