بس میں اپنے آپ دی منکر نہیں ہوئی
نہیں تے تیرے پچھے کافر نہیں ہوئی
اچی اڈی والی جتی پا کے وی
میں شملے دے قد برابر نہیں ہوئی
اوہ میرے لئی تارے توڑ لیایا اے
ایویں ای دل دی دھرتی انبر نہیں ہوئی
تن فٹ اتے آں تے تیہہ فٹ تھلے آں
میں جنی آں اوہنی ظاہر نہیں ہوئی
سوچ ذرا توں انج دی کوئی سدھر ہے؟
جیہڑی تینوں ویکھ کے تتر نہیں ہوئی
جو جو کیہندا اے اوہ منی جانی آں
گل اجہے تک سمجھوں باہر نہیں ہوئی
ویکھن والے, ویکھ کے پتھر ہو گئی اے
طاہرہ شیشہ ویکھ کے پتھر نہیں ہوئی
طاہرہ سرا
No comments:
Post a Comment
Note: only a member of this blog may post a comment.