دل دی سیج بٹھا کے تینوں جھلدی رئی میں پکھیاں
وچ ترنجن چھیڑن مینوں ناں لے تیرا سکھیاں
بھاویں پاشا آؤناں ناہیں اسی فر وی تاہنگاں رکھیاں
تیرے دکھڑے ویکھن والیاں شالا رہن نہ اکھیاں
تیری یاد عبادت میری
میں ہنجواں دی کراں تسبیح
ہوکے ہاڑے ہجر دے اتھرو دے گیا یاد سوغاتاں
مڑ نئیں آئے دل دے جانی بیت گئیاں برساتاں
تیری یاد عبادت میری
میں ہنجواں دی کراں تسبیح
دل روندا تے کرلاندا اے
اکھیاں دیکھن باہجھ نہ رجدیاں نے
آ نازاں والیا دلدارا
تیرے باہجھ تھاواں نہ سجدیاں نے
تیری یاد عبادت میری
میں ہنجواں دی کراں تسبیح
دن جدوں ڈبدا شاماں جدوں پیندیاں
تیریاں اڈیکاں بیبا جان کڈ لیندیاں
جان تیریاں دکھاں نے ساڈی گھیری
اکھ جدوں دی ہے سجناں تُوں پھیری
میں ہنجواں دی کراں تسبیح
تیری یاد عبادت میری
اکھیاں چو اتھرو وگدے نے
دل پے گیا وس وچاراں دے
مڑ آ آ جا پردیسیا بوھڑ کدی
مڑ آ آ جا پردیسیا
آساں نے پلا جھاڑ لیا
سدھراں نے ڈھیریاں ڈھا لئیاں
دل پھوک تماشا ویکھن لئی
اسی آپے ای اگاں لا لئیاں
میں ہنجواں دی کراں تسبیح
تیری یاد عبادت میری
آ جا سجناں تیری خیر ہووے
رو رو پئی کاک اڈاواں میں
تیری یاد چ سوہنیاں ہر ویلے
ہنجواں دیاں ندیاں وگدیاں نے
میں ہنجواں دی کراں تسبیح
تیری یاد عبادت میری
اکھیاں چو اتھرو وگدے نے
دل پے گیا وس وچاراں دے
مڑ آ پردیسیا بوھڑ کدی
اسی ویکھئے رنگ بہاراں دے
میں ہنجواں دی کراں تسبیح
تیری یاد عبادت میری
تیرے باہجھوں کون ساڈے درد ونڈاوے گا
تینوں وی خیال چناں کدی ساڈا آوے گا
مینوں عید وانگوں دید چناں تیری
میں ہنجواں دی کراں تسبیح
تیری یاد عبادت میری
رب دی سوں جدوں دا وچھوڑا پے گیا اے
چین تے قرار ساڈا دکھاں ٹھگ لیا اے
اگ لائی توں جدائی دی بتھیری
میں ہنجواں دی کراں تسبیح
تیری یاد عبادت میری
آساں والے قافلے وچھوڑیاں نے لٹے نے
ہوکیاں نے سدھراں دے پھل ساڑ سٹے نے
جھلی درداں دی سجناں ہنیری
میں ہنجواں دی کراں تسبیح
تیری یاد عبادت میری
توں کی ماہیا رسیا، بہار رس گئی اے
تاہنگاں تے اڈیکاں میری جان کڈھ لئی اے
بلے دل وچ دکھاں والی ڈھیری
میں ہنجواں دی کراں تسبیح
تیری یاد عبادت میری
دل خانے کعبے وانگوں دل نہئیوں توڑی دا
لکھ پئیا موڑے جگ، مُکھ نہئیوں موڑی دا
شان سجناں دی پاشا جی اچیری
میں ہنجواں دی کراں تسبیح
تیری یاد عبادت میری
رفیق پاشا
No comments:
Post a Comment
Note: only a member of this blog may post a comment.