یاداں وچھڑے سجن دیاں آئیاں اکھیاں چوں مینہ وسدا
شالا مک جان جگ توں جدائیاں اکھیاں چوں مینہ وسدا
یاداں وچھڑے سجن دیاں آئیاں اکھیاں چوں مینہ وسدا
دکھ ایس گل دا اے یاد کھُس چلی اے
رس جان والیا حیاتی رُس چلی اے
ساہواں آخری وی تیرے ناویں لائیاں
اکھیاں چوں مینہ وسدا
کتھے جا کے لک گیا لیکهاں دیا تاریا
دے گیا جدائی مینوں جیوندی جانے ماریا
رو رو صدراں وی دین دھائیاں
اکھیاں چوں مینہ وسدا
ماہی دے پیاراں والا چیتا جدوں اوندا اے
درداں دے بدلاں توں دل گھبروندا اے
گل پے گئیاں دکھاں دیاں پھاہیاں
اکھیاں چوں مینہ وسدا
آساں تے امیداں نے ڈھیریاں نے ڈھا لئیاں
ہوکے ہاواں تیریاں سوغاتاں سینے لا لئیاں
ایس روگ دیاں نئیں کوئی دوائیاں
اکھیاں چوں مینہ وسدا
لوکو چن ایہو جئے وچھوڑیاں چڑھائے نے
رب جانے ساہ کدوں سکھ دے وی آئے نے
لا کے ساڈے نال توں توڑ نہ نبھائیاں
اکھیاں چوں مینہ وسدا
رفیق پاشا
No comments:
Post a Comment
Note: only a member of this blog may post a comment.