کنڈے اتے محرماں وے میں تے کدوں دی کھڑی
ک کن ویلے کچا گھڑا بنڑیا مینوں کجھ افسوس نئیں کچیا وے
تیرے کچ دی نئیں پرواہ سانوں اساں اپنے پک نوں رکھیا وے
دھکے پین گے دوہاں جہان اندر جہڑا یار دے قول توں نسیا اے
لا کے پریت نہ توڑیں تو مہینوالا اکو حرف استاد نے دسیا وے
سوہنی ہٹ صدق دی کھولی تے کرے دلالی ہونی
سودے بہت کولے ہوئے اج عشق کرائی بوہنی
ملیا نفع چناں دیاں چھلاں ٹٹی گھڑی دی ٹوہنی
لے گئی لہر عشق دی آ کے اج جو وٹیا سی سوہنی
کنڈے اتے محرماں وے میں تے کدوں دی کھڑی
مینوں تیریاں اڈیکاں کنڈے اتے
دل وچ شوق ملن دا، نہیری عشق دی چڑھی
مینوں تیریاں اڈیکاں کنڈے اتے
تیری دید دا چاہ، بس وقت نزع
نکلے میرا ساہ تکدے تکدے
میرے بے پرواہ ہنڑ آ وی جا
تھک گئی اے نگاہ تکدے تکدے
مینوں تیریاں اڈیکاں کنڈے اتے
دل وچ شوق ملن دا، نہیری عشق دی چڑھی
بس بہت بری نہیری عشق دی
ایہہ عشق آپ وی اوَلا ایدے کم وی اوَلے
جیدھے پیش پہ جاؤندا ککھ چھڈدا نئیں پلے
بس بہت بری نہیری عشق دی
اگ تے عشق دا سیک کی پچھنائیں، عشق دا سیک ودھیرا
اگ تے ساڑے ککھ تے کانے عشق ساڑے دل میرا
اگ دا دارو مینہ تے پانی عشق دا دارو کیہڑا
یار فرید اتھے کجھ نہ رہندا جتھے عشق نے کیتا ڈیرا
بس بہت بری نہیری عشق دی
بہت بری نہیری عشق دی چڑھی
دل وچ شوق ملن دا
نہیری عشق دی چڑھی
بہت بری نہیری عشق دی چڑھی
دریا ٹھاٹھاں مارے اتوں لگی ہے جھڑی
پچھے مڑ جا سوہنیئے نی ایویں کریں نہ اڑی
میں کچا تے میں کھُر جانا، مینوں ہتھ نہ لاویں سوہنیئے
جا پچھے مڑ جا سوہنیئے جا
دوش میرا کی سوہنیئے میں عشق دی اگ وچ نئیں سڑیا
جا پچھے مڑ جا سوہنیئے جا
جا پچھے مڑ جا سوہنیئے نی ایویں کریں نہ اڑی
گھڑیا دل میرا ایہہ چاہوندا ماہی ویکھ لیواں اج
ایس عشق دیاں ریتاں نوں کوئی جانے مرد سیانا
جے نہ اپڑی یار دے در تے میں نئیں بخشی جانا
میں وی ساتھ نبھاون چلی تُوں وی ساتھ نبھا دے
نیواں نیواں ہو نہ گھڑیا پار کنارے لا دے
سنڑ وے گھڑیا ٹٹ نہ جاون لگیاں میریاں پیتاں
جیونا مرنا یار دی خاطر عشق دیاں ایہہ ریتاں
سوہنے ماہی دا دیدار میرا اکبری حج
مینوں ڈوبیں نہ وچالے میں تے دکھاں دی بھری
میں تے کچا ہاں ناکارہ اکھاں کھول کے پچھان
اتوں رات ہے گی کالی چڑھیاں پانی دا طوفان
اساں دوناں ڈب جانا ویلا گھڑی دی گھڑی
مینوں موت توں ڈرا کہ گھڑیا منہ نہ تُوں موڑ
میں تاں نیتی ہے نماز، میری نیت نہ تُوں توڑ
جند یار دے حوالے اکھ جیدھے نال لڑی
جے تے لبھناں ای پیارا میراں غوث نوں پکار
میراں غوث پاک سب دے دیوے کاج سنوار
پھڑ لے غوث دا توں پلہ ہو جا کھوٹیوں کھری
کنڈے اتے محرماں وے میں تے کدوں دی کھڑی
مینوں تیریاں اڈیکاں کنڈے اتے
دل وچ شوق ملن دا، نہیری عشق دی چڑھی
مینوں تیریاں اڈیکاں کنڈے اتے
انور حسین جوگی
No comments:
Post a Comment
Note: only a member of this blog may post a comment.