فلمی گیت
کچ دیا چُوڑیا وے
جس دی نشانی ایں تُوں اوہ ساڈے کول نہ
چھیڑ چھیڑ پچھلیاں گلاں جند میری رول نہ
کچ دیا چوڑیا وے
کچا سانوں دے گیا نشانیاں کچ دیاں
کھل گئیاں سبھے گلاں ہن جھوٹھ سچ دیاں
پیاراں دیاں بھبلاں چوں یاداں نوں پھرول نہ
چھیڑ چھیڑ پچھلیاں گلاں جند میری رول نہ
کچ دیا چوڑیا وے
سبھ کجھ ہار دتا اک دل ہار کے
ہاواں دلوں اٹھدیاں ہلے مار مار کے
ماہیئے، ٹپے، ڈھولیاں دے چنگے لگن بول نہ
چھڑ چھیڑ پچھلیاں گلاں جند میری رول نہ
کچ دیا چوڑیا وے
پھلاں دے بھلیکھے جند کنڈیاں چ رول لئی
دھوکھے وچ آ کے بول پیار والے بول پئی
آساں دیاں لہراں اتے پیا ایویں ڈول نہ
چھیڑ چھیڑ پچھلیاں گلاں جند میری رول نہ
کچ دیا چوڑیا وے
گھر گھر پیندیاں نے ساڈیاں کہانیاں
کسے دا کی دوش آپے کیتیاں ندانیاں
اکھاں چپ رہندیاں تے وجدے ایہہ ڈھول نہ
چھیڑ چھیڑ پچھلیاں گلاں جند میری رول نہ
کچ دیا چوڑیا وے
احمد راہی
No comments:
Post a Comment
Note: only a member of this blog may post a comment.