چُوڑئیے نی چُوڑئیے، کھسماں نُوں کھانئیے
پھُوڑی تیری پا دیواں، ٹٹ مر جانئیے
فائدہ کی اے تیرا مینوں، چھن چھنکانی آں
اک واری تک لوئے، ترلے میں پانی آں
سڑدیاں سکھیاں نے، توں وی سڑ جانئیے
چوڑئیے نی چوڑئیے، کھسماں نوں کھانئیے
نتھ وڈے نگ والی، سنارے توں لئیائی سی
چاندی دی پجیب، پانڈے ویچ منگائی سی
ایڈا میں شنگھار کیتا، پھائے چڑھ جانئیے
چوڑئیے نی چوڑئیے، کھسماں نوں کھانئیے
مہندی نال ناں اودا، ہتھاں اُتے لکھیا
دل وچ چور سارے، پنڈ نوں اے وکھیا
اوہ ای جے نہ ویکھے، توں راہ پھڑ رانئیے
چوڑئیے نی چوڑئیے، کھسماں نوں کھانئیے
اودے کولوں لنگدی کھنگورا وی سی ماریا
کہنی وی سی ٹکرائی، چنی نوں اُتاریا
ابا میرا تک لیندا، منوں ڈر پانئیے
چوڑئیے نی چوڑئیے، کھسماں نوں کھانئیے
No comments:
Post a Comment
Note: only a member of this blog may post a comment.